ان جيت ياشوق العنا والمقادير

ان جيت ياشوق العنا والمقاديـر
يستقبلك ترحاب قلبي من اقصـاه
حيث ان لك في مهجته كل تقديـر
وغلاك من مبطي غزاه وتمثنـاه
لاتحسبنه شرط يلعب على الزيـر
ويغني الألحان من شـان تقـراه
ترى الغلى الصادق يحب التعازير
في قلب راعيه وعلى نـار يقـلاه
وانكان ماجيت وخذتك الاعاصيـر
اللي تشيل اللي على الدرب تلقـاه
ماهو غريب وصار فالناس ويصير
لين النفوس تقاد من كل مجهـاه
كم حاجةٍ راحت وطارت كماالطيـر
صفق الهوا بين الجناحين مشهاه
رف الجناح وحيث ماتشتهي طير
الله يوجهلـك وخـل المعـانـاه
في قلب من حبك وغـر التعابيـر
ماهو بداري كيف ينبيـك بلغـاه
والسر يبقى سر في داخل البيـر
ان عاش ولا مات ماواحـدٍ جـاه
بس الصحيح انكان جيتو مساييـر
كل المشاعر فـي نباكـم مهيـاه

تسلم يمنك
و
صح لسانك
و
مشكور على الطرح الرائع

العفووووو
ومشكوور على المرور العطر

مشكوووور على الطرح المميز

مشكووور اخوي على المرور

يعطيك العافيه رومنسي على الطرح الرائع

دمت بود